ผญา ศีล ทาน ภาวนา
คันสิเทียวทางใกล้ให้หาห่มปังหัว คันสิเทียวทางไกลไถ่ถงให้มีพร้อม
คันสิเทียวทางเวิ้งให้หาทิงบั้งใหญ่ๆ คันสิขึ้นต้นไม้ให้หาท้างปล่องลง
ทิงว่าไว้บั้งใหญ่ใหญ่คือโตเฮา วัฏฏะสงสารเถิงนิพพานชังไกลคือทางเยิ้น
บุญควรสร้างกุศลแฮให้คิดฮ่ำ ทางสิไปหน้าพุ้นหากยังกว้างกว่าหลัง
ศีลนั้นเป็นฮ่มกั้งคันยูใหญ่บังหัว ทานนั้นคือเสบียงไถ่ถงให้หาไว้
แมนสิไกลยาวเยิ้นภาวนาตักน้ำใส่ เถิงสิไกลปานใด๋กะบ่ย้านทิงบั้งได้ตื่มเต็ม
บั้งบ่ได้ตื่มน้ำบุญสิขาดเขินบก เดินบ่เถิงทางไกลไถ่ถงกะเบิดสิ้น
ศีลบ่มีพอน้อยทานบ่มีพอหน่อย ภาวนาท่อก้อยบ่เคยโอ้อ่าวหา
เลยสิตายคาถ่ำบ่เห็นธรรมพระเจ้ากล่าว เสียงพระเว้าจ้อยๆ.. หูน้อยบ่เงี่ยงฟัง เด้น่อ...
ไม่มีความคิดเห็น:
แสดงความคิดเห็น